Meta flet për Referendum/ Sulmon ashpër ndërkombëtarët: Palaço, SHBA-të janë si shpirt

Google+ Pinterest LinkedIn Tumblr +

Presidenti Ilir Meta u takua ditën e sotme me paraardhësin e tij Bujar Nishani, në vijim të konsultimeve për ngërçin në Gjykatën Kushtetuese.

Pas përfundimit të takimit, Meta ka folur me tone të ashpra.

Kreu i Shtetit ka sulmuar hapur ndërkombëtarët, duke i quajtur palaço.

Gjithashtu Meta ka përdorur ironinë me SHBA-të, duke thënë se janë si yll, si shpirt, pasi me to kemi bërë Kushtetutën.

Më tej ai vijoi me akuzat ndaj qeverisë, e cila sipas tij po kontrollon vettingun.

Në fund Meta tha se zgjidhja për situatën e krijuar është referendumi.

“Vettingu i partisë u shpall para pak ditësh. Nuk jam i habitur se që ditën e parë që ka hyrë në zyrë ka pasur presione, që të bëhej pjesë e puçit për Xhaferllarin. Unë nuk i bëj presion askujt. Nqs doni emra, nuk besoj se keni harruar deklaratën e zotit Xhafaj, i cili i bëri shantazhe anëtares së Gjykatës Kushtetuese Vitore Tusha, e cila ka qëndruar me sforco në atë detyrë për të mbajtur hapur derën e Gjykatës Kushtetuese. SHBA-të janë si yll, janë si shpirt, me ato e kemi bërë Kushtetutën. Ata punojnë me Kushtetutën që do të ketë ndryshuar Rama, Agaçi, Dvorani. I ftoj të vijnë me ekspertët e tyre t’u tregoj Kushtetutën mbi të cilën jam betuar. Ka vetëm një zgjidhje për Ramën e për disa palaço ndërkombëtar, Referendumi”, deklaroi Meta.

Gjatë ditës së sotme, përpara disa orësh, Meta doli kundër përfaqësive të huaja, më konkretisht ambasadës së SHBA dhe asaj italiane, që kërkuan të merrej opinioni i Komisionit të Venecias, për ngërçin me Gjykatën Kushtetuese.

Shpërndaje
Share.

Komento