Teuta është kampionia e Shqipërisë, pasi arriti një fitore tenistike ndaj Apolonisë. Durrësakët fituan titullin e dytë në historinë e tyre pas 27 vitesh pritje. Ishte Dejvi Bregu heroi i ndeshjes, që dhuroi sepektakël dhe shënoi tri gola që e shpallën futbollistin vlonjat edhe kryegolashënuesin e Superligës. Fitorja e Teutës u plotësua nga Lorenco Vila, kapiteni Renato Arapo dhe Sebino Plaku. Triumfi i arritur i siguroi titullin Teutës, pavarësisht fitores 2-0 të Vllaznisë ndaj Laçit, me shkodranët gjithashtu pretendentë.
Për Apoloninë e ngushtoi përkohësisht diferencën Redon Mihana, që u duk sikur tronditi sigurinë e durrsakëve, por në asnjë moment nuk u vu në diskutim fitorja.
Edhe pse Apolonia u mundua t’ua vështirësonte punën Teutës, por nukn kishin forcën e duhur edhe për faktin se e mbyllën ndeshjen me 9 lojtarë për shkak të kartonëve të kuq mbrojtësve Serjan Repaj dhe dhe Elion Sota në pjesën e dytë.
Në këtë ndeshje ka qenë i pranishëm edhe presidenti i FSHF, Armand Duka, që i dorëzoi edhe trofeun e kampionatit durrsakëve. Teuta e fitoi titullin në një sezon të pazakontë, pa tifozë për shkak të pandemisë dhe tashmë pritet të marrë pjesë në turin e parë të Ligës së Kampioneve.
FT: TEUTA-APOLONIA 6-1
Bregu 16′, 49′, 65′ (p), L.Vila 27′, Arapi 77′ , Plaku 90+2′ / Mihana 33′
