Udhëheqësit e Bashkimit Euorpian janë pro ndërmjetësimit të OSBE-së për dialogun në zgjidhjen e krizës në Bjellorusi. Ky lajm u bë i ditur nga gazetarja franceze Sylvie Kauffmann pak minuta pasi u dha lajmi se edhe presidenit rus Putin është dakord.
Por duket se vetë presidenti i Bjellorusisë Lukashenko nuk është dakord për një dialog të tillë.
Vetë Kauffmman nëpërmjet një statusi në Twitter, shkruan se Lukashenko është kundër këtij ndërmjetësimi.
“Makron dhe Merkel për Bjellorusinë: Kemi pasur disa biseda me Putinin. Kemi sugjeruar ndërmjetësimin e OSBE-së. Putin është dakord, ndërsa Lukashenko nuk ka dëshirë për këtë ndërmjetësim.”
Macron & Merkel on #Belarus : we have had several conversations with Putin, we have suggested OSCE's mediation, Putin is in favour but Lukashenko reluctant.
— Sylvie Kauffmann (@SylvieKauffmann) August 20, 2020
Ndërkohë SHBA-ja dhe presidenti Putin, i kanë kërkuar presidentit bjellorus, Aleksandër Lukashenko që të pranojë kërkesën e OSBE-së për negocimin mes palëve politike.
Më parë edhe vetë kryeministri i Shqipërisë Edi Rama në cilësinë e kreut të OSBE ka ofruar një vizitë dhe një takim me qeverinë dhe opozitën në Bjellorusi për të gjetur një zgjidhje nëpërmjet dialogut.
Kujtojmë se prej disa ditësh mijëra bjellorusë kanë vërshuar rrugëve kundër Presidentit Aleksandër Lukashenko duke krijuar dhe protestën më të madhe që prej vitit ’91, kur Bjellorusia fitoi pavarësinë nga Bashkimi Sovjetik.
