Kancelarja gjermane, Angela Merkel, deklaron në Samitin e G20 shqetësimin se shumicën e dozave po e porositin vendet e pasura të BE-së apo Amerika, ndërsa më të varfrat nuk i kanë mundësitë financiare.
“Jemi të shqetësuar që nuk po avancohet në këtë pikë. Duhet të fillojmë negociatat me prodhuesit e vaksinave duke përdorur fondet që kemi. Gjermania nuk i përballon dot e vetme.”
Agjencia europiane për medikamentet tha se mund ta miratojë vaksinën e parë antikovid brenda dhjetorit ose fillimin e vitit të ardhshëm.
Drita jeshile pritet t’u jepet dy prodhimeve amerikane dhe gjermane që kanë rezultuar deri 95 për qind efikase ndaj virusit të ri korona.
Universiteti i Oksfordit dhe kompania suedezo-britanike, AstroZeneca, informoi të hënën se edhe vaksina e tyre ofron nga 70 deri 90 për qind mbrojtje për të infektuarit kundrejt një çmimi më të ulët prej më pak se 3 euro për dozë.
Skepticizmi ndaj këtyre vaksinave, megjithatë, mbetet i lartë në vendet europiane, siç e tregoi të dielën marshi në heshtje i disa qindra qytetarëve gjermanë që refuzojnë fushatat e vaksinimit.
/GazetaReforma.com/
