Një aksident i frikshëm u regjistrua mëngjesin e sotëm në rrugën “Gaggio in Piano” në Modena.
Një makinë tip “Mercedes”, pasi doli nga rruga u përplas me një pemë.
Drejtuesi i automjetit, një 22-vjeçar shqiptar, ndërroi jetë në vend, shkruan “Ilrestodelcarlino”.
Ndërkohë dy djemtë e tjerë që po udhëtonin me të, mbetën të plagosur.
Ata janë një 21-vjeçar nga Modena, i cili u transportua në mënyrë urgjente me helikopter në spital, si dhe një 20-vjeçar rumun.
Ky i fundit ka marrë plagë të shumta dhe ndodhet jashtë rrezikut për jetën.
Policia ndërkohë ka shkuar në vendngjarje dhe po punon për zbardhjen e aksidentit.
Nga të dhënat e para, rezulton se nuk ka asnjë makinë tjetër të përfshirë në aksident.
