Mendohet se kanë gjetur kurën ndaj COVID-19, ja cila është e veçanta e vaksinës së prodhuar në SHBA

Google+ Pinterest LinkedIn Tumblr +

Shkencëtarët e Universitetit të Pittsburgh në SHBA, mendojnë se kanë gjetur një vaksinë potenciale ndaj koronavirusit.

Sipas studimit të publikuar në “EBioMedicine” ditën e djeshme, kjo vaksinë pritet që të ulë ndjeshëm përhapjen e pandemisë.

Vaksina u testua te minjtë dhe prodhoi mjaftueshëm antitrupa, për të sulmuar virusin.

Shkencëtarët shprehen se e përfunduan projektin kërkimor shumë shpejt, për shkak se kishin bërë kërkime për viruse të ngjashme me COVID-19 si SARS dhe MERS.

“Ne e dinimin me saktësi si të luftonim virusin e ri”, shprehen studiuesit.

Vaksina është e ngjashme me ato të gripit dhe nëpërmjet proteinave të krijuara në laborator, rrit imunitetin e trupit.

Studiuesit tashmë kanë kërkuar aprovimin e autoriteteve, në mënyrë që të nisin testimet te njerëzit brenda muajve të ardhshëm.

Ata përdorën një copë leckë në vend të gjilpërës, për të vendosur në lëkurë proteinën e prodhuar në laborator, e cila nxit një reagim të fortë të sistemit imunitar.

Copa përmban 400 mikrogjilpëra të përbëra nga sheqeri dhe copëza proteina.

Në njoftim për mediat, studiuesit thanë se vaksina është gati për përdorim të gjerë.

Aktualisht numri i personave të prekur nga COVID-19 në rang global ka kaluar mbi 1 milion, ndërsa janë shënuar mbi 53 mijë të vdekur dhe mbi 213 mijë të shëruar.

Shteti me numrin më të madhe të të prekurve është Amerika, kurse më shumë viktima numëron Italia.

Shpërndaje
Share.

Komento