Gjykata e Tiranës ka lënë në burg dy të rinjtë që u arrestuan dy ditë më parë.
Ermal Zalla dhe Edmir Ibrahimi, përkatësisht 24 dhe 29 vjeç, u kapën me armë zjarri me silenciator dhe me një celular, i cili përdorej për shpërthime në distancë.
Sipas “Report Tv”, numri serial i silenciatorit dhe i pistoletës ishin fshirë.
Dyshohet se dy të rinjtë do të kryenin një vrasje.
Ata nuk iu bindën urdhërit të policisë për të ndaluar më 29 janar, ditë në të cilën u arrestuan.
Të rinjtë hodhën nga makina “BMW” pistoletën me silenciator dhe celularin dhe u larguan me shpejtësi.
Mirëpo policia arriti që t’i lokalizonte dhe t’i arrestonte pak çaste më vonë.
