Guvernatori i rajonit të Toskanës, Enrico Rossi ka dhënë alarmin për shtimin e rasteve të reja me koronavirus, ku shumica e të infektuarve janë shtetas të huaj që hyjnë në Itali. Rossi ka kërkuar nga qeveria qëndrore në Romë që të shoh mundësinë e përfshirjes së Shqipërisë në ‘listën e zezë’ të ndalimit të fluturimeve për shkak të shqiptarëve që po konfirmohen pozitiv me COVID.
Dje, më 19 korrik, në Toskana u konfirmuan 16 infektimeve të reja, ku 13 janë persona të ardhur nga Tirana, një nga Ekuadori dhe dy janë italianë. Për shkak të kësaj situate, guvernatori Rossi ka kërkuar ndërhyrjen e menjëhershme të autoriteteve, kryesisht të Ministrisë së Brendshme dhe asaj të Shëndetësisë për të gjurmuar personat që hyjnë nga vendet jashtë zonës Shengen.
“Nëse gjurmimi dhe mbikëqyrja e tyre është e pamundur, atëherë mbetet vetëm një zgjidhje, ndalimi i fluturimeve”, ka deklaruar Enrico Rossi.
Kjo masë kufizuese është tashmë në zbatim në Itali për fluturimet nga Kosova, Mali i Zi dhe Serbia.
