Pavarësisht se numri i rasteve të reja me Covid-19 është ulur lehtë në 24 orët e fundit, gjendja në spitalin Infektiv paraqitet e rënduar, pasi ka një përkeqësim të situatës. Nga Instituti i Shëndetit Publik, Genta Qirjako ka bërë me dije se gjatë 24 orëve të fundit situata në spitalin Infektiv paraqitet serioze, ku ka rëndim të gjendjes shëndetësore të pacientëve në terapi intensive dhe është rritur numri i pacientëve të intubuar.
Aktualisht janë të shtruar 83 pacientë në spital, 10 pacientë janë në terapi intensive dhe 4 prej tyre janë të intubuar në gjendje të rëndë.
Ndërkohë këtë të mërkurë dy persona kanë humbur jetën dhe janë konfirmuar pozitivë 68 raste pozitive, duke e çuar në 1, 232 numrin e përgjithshëm të personave aktivë me koronavirus në vend.