Këtë të hënë është mbledhur grupi parlamentar i Partisë Socialiste. Mësohet se mbledhjes i është bashkuar edhe kryeministri Edi Rama, ndërsa po diskutohet për agjendën parlamentare të javës që sapo ka nisur.
Bëhet me dije se në këtë mbledhje do të diskutohet dhe në lidhje me marrëveshjen e arritur me Rithemelimin, për ngritjen e dy komisioneve parlamentare dhe rikthimin e punës në Kuvend në situatë normale.
Kujtojmë se pas 5 muajsh kaos në Kuvend dhe tensionesh, përjashtimesh, palët kanë arritur në konsensus për t’iu rikthyer jetës normale në seancat plenare.
