Pandemia e Covid-19 po përhapet me shpejtësi në të gjithë botën dhe numri i të infektuarve dhe viktimave sa vjen e rritet.
Mjekët dhe studiuesit kanë dalë në përfundimin se një ndër mënyrat më efektive për të mbajtur sa më larg virusin është mbajtja e maskës. E që nga fillimi i pandemisë e deri më tani janë parë mënyra të ndryshme maskash, por ajo që disa inxhinierë amerikanë nga Instituti Teknologjik i Massachusetts në SHBA kanë në plan të bëjnë një maskë të e cila jo vetëm do mbajë larg virusin por do e vrasë në ajër.
Plani është që studiuesit të ndërtojnë një maskë fytyre që ka një rrjetë bakri të ngrohur. Rrjeta do të ndihmonte në ngadalësimin e grimcave virale nga hyrja në sistemin e përdoruesit, si dhe ngrohjen e mjaftueshme për të vrarë virusin.Maska do të funksionojë me bateri e cila do të shërbejë për të nxehur rrjetën e bakrit deri në 90 gradë celsius.
Kërkuesit shkencorë kanë bërë kërkesën për marrjen e patentës për këtë maskë dhe kanë nisur krijimin e prototipëve mbi të cilët do të kryejnë testimet e duhura.
“Është një maskë krejtësisht e re, që nuk ka për qëllim që të bllokojë virusin, por ta lërë që të hyjë dhe pastaj ta vrasë”, shprehet inxhinieri kimik Michael Strano.
Nëse do të hidhet në treg e komercializohet një maskë e tillë do të kushtojë më shtrenjtë se maskat e tekstilit, kirurgjikale apo N95.
