Erdet Çapoku është autori i krimit së rëndë, që tronditi disa ditë më parë Paskuqanin.
Ai sulmoi me thikë dhe shkop në mënyrë brutale kunatën e tij Enkeleda Çapoku, duke e vrarë.
Çapoku u arrestua rreth 12 orë pasi kishte kryer krimin, në shtëpinë e djalit të dajës.
Në dëshminë para policisë, Erdeti ka treguar të gjithë dinamikën e krimit.
Ai është shprehur se fillimisht kishte qëlluar Xhevahiren, nënën e Enkeledës, shkruan “Top Channel”.
Më pas ishte drejtuar drejt dhomës së gjumit dhe kishte goditur me shkop Enkeledën.
Pasi ajo u ngrit nga krevati, Erdeti thotë se iu errën sytë, nxorri thikën nga brezi dhe goditi kunatën disa herë.
Dëshmia e Erdetit:
Ditën e djeshme unë kam lënë punën pasdreke, kam shkuar në banesën ku jetoj me qera janë ndërruar kam dalë tek “Ura Ngushtë” në anën e Laprakës, piva kafe u ktheva në shtëpi kam marrë një bisht druri sqepari që e kisha në shtëpi e mbaja si masë mbrojtëse mora një thikë që e kisha në banesë dola shkova tek “Ura Ngushtë” tek lokali në anën e Paskuqanit, piva një birrë dhe një raki dhe shkoi ora 23:30 dhe jam nisur për tek banesa e kunatës time Enkeledës, kam shikuar rrotull nuk kishte njeri i kam rënë derës me sup dhe u futa brenda, pasi e dija që shuli nga brenda ishte i dobët dhe kam shkuar direkt tek krevati tek dhoma e gjumit.
Unë e dija që Xhevaire Fjolla flinte tek krevati tek dhe Enkeleda me vajzën te krevati dopio. Kam qëlluar me shkopin e drunjtë një herë në krahë Xhevahiren që të mos ngrihej pastaj kam goditur në fillim me shkop e drunjtë që Enkeledën dhe kur ajo reagoi u ngrit mua mu errën sytë dhe kam nxjerr nga brezi thikën dhe e kam goditur pa e ditur se ku disa herë, por se sa nuk e kujtoj.
Pastaj kam dalë kam marrë biçikletën kam shkuar tek ‘Ura e Ngushtë” dhe kam dalë në Laprakë. Kam shkuar tek banesa e shtetasit Apostol Bitika që e kam djalë daje. Rreth mesnatës, Nuk i kam treguar se çfarë kisha bërë dhe jam ulur direkt në gjumë ku jam ngritur rreth orës 09:30 dhe në 12:30 erdhi policia te banesa e kushëririt dhe më morën.
Kaq kam për të deklaruar.
Vëllai tjetër, Ervin Çapoku është shprehur se burri i Enkeledës në burg, nuk e kishte porositur Erdetin, të ruante bashkëshorten e tij.
