fbpx

Manastirliu tenton të “ul gjakrat”, takon Tritan Kalon për kafe pas largimit të tij nga Komiteti Teknik

Google+ Pinterest LinkedIn Tumblr +

Largimi i preofesor Tritan Kalos nga Komiteti Teknik i Ekspertëve ishte një lajm që bëri shumë bujë ditën e sotme. Më herët ai njoftoi se do i jepte fund bashkëpunimit të tij me Komitetin Teknik. Në një postim ai shkruante: “4 Marsi shënon edhe fundin e BASHKËPUNIMIT tim zyrtar me këtë grup të emërtuar: “Komiteti i përhershëm për Infeksionin e përhapur nga Coronavirusi i ri”….”

Por ministrja e Shëndetësisë nuk mund ta lejonte këtë rebelim të papritur që të prishte imazhin e mirë që i ka krijuar vetes në përballimin e pandemisë. Ogerta manastirliu ka takuar menjëherë professor kalon dhe nuk ka humbur rastin që të ndajë edhe një foto të tyren në Facebook.. Manastirliu shkruan se Kalo do vazhdojë të japë shërbimin e tij ndaj pacientëve me profesionalizëm dhe përgjegjësi dhe i lutet të gjithëve të zbatojnë masat.

Masa për të cilat Tritan Kalo kishte foluar më herët, duke thënë se nuk janë në kompetencë të Komitetit Teknik për t’u vendosur. Vendime të tilla i merr qeveria, ndërsa komiteti ka vetëm funksion këshillimor, por që nga ministrja e Shëndetësisë e deri te kryeministri, të gjithë kanë bërë sikur nuk kanë dëgjuar asnjë nga këto fjalë. Sado që Manastirliu është munduar të përcjellë një panormaë bashkëpunimi me mjekët e të duket sikur merr e pranon këshilla nga ata, e vërteta është se mjekët e thjështë të këtij vendi janë lënë në mëshirë të fatit, pa mjete mbrojtëse gjatë pandemsië dhe tashmë e pa vaksina. Ndërsa mjekët që i janë bindur qeverisë në çdo deklaratë tyren shpërblehen edhe me kandidimin për deputet, siç ishte rasti i Najada Çomos.

MESAZHI I MANASTIRLIUT
Një kafe pune me Prof. Tritan Kalon, që prej shumë kohësh i kemi periodike, për të ndarë mendime e këshilla.
Mirënjohje për kontributin e tij të vlefshëm në Komitetin Teknik të Ekspertëve, përgjatë një viti sfidues dhe aspak të lehtë të përballjes me pandeminë Covid19.
Prof. Kalo do vazhdojë të japë kontributin e tij në shërbim të pacientëve, si gjithmonë me profesionalizmin dhe ndjenjën e lartë të përgjegjësisë.

Bashkë kemi një thirrje: Ju lutemi zbatoni masat.
#Maskën
#Distancën
#Higjienën
#Bashkë do ia dalim!
Dhe në fund po ia huazoj me leje Prof. Kalos, atë shprehjen që përdor gjithmonë: “Together Forever”.
#Krenare🙏🏼

 

Shpërndaje
Share.

Komento