Manastirliu: Nga sot, nargjilet dhe cigaret elektronike nuk lejohen më në lokale

Google+ Pinterest LinkedIn Tumblr +

Nisur që nga sot, do hyjë në fuqi ndryshimi në ligj, përmes të cilit do të ndalohen cigaret me ngrohje dhe ato leketronike, shisha, nargjile, apo edhe cigaret me shije mente e të tjera produkte të tjera të duhanit.

“I paralajmëruari, gjysëm i shpëtuari!  Sot hyn në fuqi ligji i ri për mbrojtjen e shëndetit nga produktet e duhanit. Në ambientet e mbyllura ndalohet:duhani, cigarja elektronike duhani me ngrohje, shisha/nargjile, shitja e çdo produkti duhani nën 18-vjeç.  Paralajmërimi i fundit! Zbato ligjin, zgjidh shëndetin. Jo duhanit”, – tha sot ministrja Ogerta Manastirliu.

E ditur bëhet se do të ndalohet edhe shitja e produkteve të duhanit me shije karakteristike (mente, vanilje etj) si dhe shitja e paketave të duhanit me numër të reduktuar cigaresh, si masa për të dekujaruar duhanpirjen.

Masat administrative për shkëljen e ligjit janë të ashpra. Nëse një subjekt shkel 2 herë rresht brenda dy muajve nenin që ndalon pirjen e duhanit në ambiente të brendshme, gjoba do të jetë sa dyfishi i gjobës së parë.

Nëse e përsërit të njëjtën shkelje brenda një afati 1 vjeçar, gjobitet me 6-fishin e gjobës, duke shkuar deri në mbyllje të aktivitetit dhe heqje të licencës për ato subjekte që gjobiten në mënyrë të vazhdueshme.

Shpërndaje
Share.

Komento