Pas rreth 5 orësh nga ngjarja e ndodhur në fshatin Vrakë të Malësisë së Madhe, ku mbetën të plagosur dy persona me armë zjarri, policia ka bërë të mundur arrestimin e autorit. Lul Rakaj është arrestuar nga unifromat blu pasi plagosi me armë zjarri mëngjesin e sotëm, rreth orës 09:45 dy persona. Rakaj hapi zjarr në hyrje të një lokali, duke plagosur Besmir Qofi dhe Avenir Hasanaj. Dy të plagosurit, u transportuan me urgjencë në spital dhe janë nën kujdesin e mjekëve.
Përveç policisë lokale, për arrestimin e Rakajt u angazhuan edhe dy ekipe të forcave RENEA, që u nisën drejt Malësisë së Madhe.
Kush është Lul Rakaj?
Lul Rakaj mësohet se ka një të shkuar të errët, pasi rreth 13 vite më parë ka vrarë me armë zjarri shtetasin Kolë Mushku në Hot të Malësisë së Madhe.
Krimi në atë kohë ka ndodhur si hakmarrje, pasi Kolë Mushku i kishte vrarë Lul Rakajt babain.
