Një aksident është regjistruar ditën e sotme në Krujë ku për pasojë kanë mbetur të plagosur tre persona. Ngjarja ndodhi rreth orës 09:55, në Krastë. Sipas informacioneve të marra bëhet me dije se shtetasi me inicialet K. D., 20 vjeç, duke drejtuar mjetin tip “Benz” ka humbur kontrollin dhe ka dalë nga rruga. Si pasojë janë dëmtuar drejtuesi i mjetit dhe 2 pasagjerë, të cilët ndodhen nën kujdesin e mjekëve, jashtë rrezikut për jetën.
Forcat e Policisë së bashku me shërbimet e tjera të emergjencës kanë shkuar menjëherë në vendin e ngjarjes ku kanë bërë të mundur dhe transportimin e të plagosurve në ambientet e spitalit për të marrë trajtimin e nevojshëm mjekësor. Ende nuk dihet gjendja shëndetësore e të lënduarve.
Gryupi hetimor ndodhet në vendin e ngjarjes dhe po punon për zbardhjen e plotë të rrethanave të aksidentit.
Njoftimi i plotë i policisë së Krujës:
“Më datë 11.10.2021, rreth orës 09:55, në Krastë, Krujë, shtetasi K. D., 20 vjeç, duke drejtuar mjetin tip “Benz” ka humbur kontrollin dhe ka dalë nga rruga.
Si pasojë janë dëmtuar drejtuesi i mjetit dhe 2 pasagjerë, të cilët ndodhen nën kujdesin e mjekëve, jashtë rrezikut për jetën. Grupi hetimor ndodhet në vendngjarje dhe po punon për zbardhjen e rrethanave të aksidentit”, thuhet në njoftimin e policisë
