Një aksident i rëndë ka ndodhur gjatë pasdites së sotme në aksin rrugor Shkodër-Lezhë, në afërsi të një restoranti. Policia bën me dije se drejtuesi i mjetit tip “Volkswagen” shtetasi M.K., ka humbur kontrollin e makinës dhe ka dalë nga rruga. Si pasojë, vetë drejtuesi i mjetit, 21-vjeçari M.K. dhe pasagjeri në automjet, shtetasi F.P., 16 vjeç kanë marrë dëmtime, ndërsa janë transportuar në spitalin Rajonal Lezhë, ku po marrin kujdesin e nevojshëm mjekësor. Detaje të mëtejshme për gjendjen e tyre dhëndetësore nuk janë bërë ende të ditura.
Ndërkohë, policia njofton se grupi hetimor ndodhet në vendin e ngjarjes dhe është duke punuar për zbardhjen e plotë të shkakut dhe rrethanave të aksidentit.
Njoftimi i plotë i policisë:
Lezhë/Informacion paraprak
Rreth orës 18:55, në aksin rrugor Shkodër-Lezhë, në afërsi të një restoranti , drejtuesi i mjetit tip “Volkswagen ” shtetasi M.K., ka humbur kontrollin e mjetit duke dalë nga rruga.
Si pasojë e daljes nga rruga kanë marrë dëmtime drejtuesi i mjetit shtetasi M.K., 21 vjeç dhe pasagjeri në automjet shtetasi F.P., 16 vjeç, të cilët janë transportuar në spitalin Rajonal të Lezhës dhe ndodhen nën kujdesin mjekësor.
Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes.
