Luftimet mes Armenisë dhe Azerbajxhanit vijonë, pa asnjë tërheqje nga palët. Presidenti azerbajxhanas ka deklaruar se nuk do tërhiqet, deri kur arment të lëshojnë vetë rajonin.
Ditën e djeshme, edhe Rusia u ka bërë thirrje që të ndalojnë luftimet. Ministri i Jashtëm rus, Sergei Lavrov, u bëri thirrje ministrave të jashtëm të Armenisë dhe Azerbajxhanit, që të bisedojnë.
Ndërkohë, presidenti rus Vladimir Putin, teksa diskutonte në bisedë telefonike me presidentin e Francës, Emannuel Macron, ka përsëritur thirrjet për armëpushim të menjëhershëm.
Lufta mes dy vendeve ka shpërthyer ditën e diel, për rajonin e Karabak. Konflikti ishte shuar prej vitesh dhe është rindezur sërish. Rajoni është i njohur ndërkombëtarisht si pjesë e Azerbajxhanit, por i kontrolluar nga armenët etnikë. Kur u shkëput në fillim të viteve 1990, dhjetëra mijëra njerëz vdiqën në luftime. Ndërkohë lufta vazhdon, pasi presidenti i Azerbajxhanit, Ilham Aliyev, ka deklaruar se është i sigurtë për të rimarrë kontrollin mbi rajon dhe vazhdon ti mbështet kësaj deklarate.
/GazetaReforma.com/
