Ndonëse mjekët parashikuan se kjo javë do ishte e ekuilibruar dhe me raste të pakta, shifrat kanë treguar se kurba ka qenë e luhatur dhe numri ka pësuar herë ngritje dhe herë rënie.
Ditën e sotme u identifikuan 24 raste me Covid-19 dhe u shënua një viktimë, duke e çuar në 26 numrin total të të vdekurve në vendin tonë.
Mirëpo, pavarësisht këtij fakti, ka edhe lajme të mira, pasi ministrja Manastirliu njofton se përgjatë 24 orëve të fundit janë shëruar 26 persona, gjysma e të cilëve nga të prekurit në Shkodër.
Lajmi është bërë i ditur nga Manastirliu përmes një postimi në ‘Twittwr’, ku shkruan se kjo është një shenjë e mirë, por kjo nuk do të thotë se e përfunduam luftën.
“26 shëruar në 24 orët e fundit, gjysma e të cilëve në Shkodër. Lajm inkurajues është se numri i të shëruarve prej 5 ditësh rezulton të ketë kaluar numrin e të infektuarve aktiv. Kjo është një shenjë e mirë krahasuar me vendet e rajonit, megjithatë, ende nuk është koha për bilance se nuk jemi në kushtet kur lufta ka mbaruar!”, shkruan Manastirliu.
🟢 26 të shëruar në 24 orë, gjysma e të cilëve në Shkodër ✅
Lajm inkurajues është se numri i të shëruarve prej 5 ditësh e kaluar numrin e të infektuarve aktiv. pic.twitter.com/jIePDx9Pwy
— Ogerta Manastirliu (@GManastirliu) April 16, 2020
