Ditën e sotme Këshilli Bashkiak i Tiranës ka miratuar vendimin për shtyrjen e afatit të pagesës për tarifën e pastrimit, taksën e tabelës dhe taksën e përkohshme të infrastrukturës arsimore për në datën 20 maj 2022. Vendimi ka kaluar në mbledhjen e zhilluar sot, ku gjithashtu është miratuar edhe shtyrja e afatit të pagesës së këstit të parë për taksat mbi pasurinë e paluajtshme, përkatësisht, taksa mbi ndërtesën, taksa mbi truallin dhe taksa mbi tokën bujqësore deri në datën 20 maj 2022.
Gjithashtu Këshilli miratoi dhe shtyrjen e afatit të pagesës së këstit të dytë për taksat mbi pasurinë e paluajtshme, përkatësisht, taksa mbi ndërtesën, taksa mbi truallin dhe taksa mbi tokën bujqësore për në datën 31 korrik 2022.
Lajmi i “mirë” në këtë periudhë krize në vend u bë i ditur nga kreu i Bashkisë së Tiranës, “Lali Eri”, i cili normalisht tha se ky është një lajm i mirëpritur për të gjitha bizneset.
“Më duket diçka e arsyeshme, edhe për faktin se me kostot e rritura të disa shpenzimeve, siç mund të jetë nafta apo shpenzime të tjera, i jep biznesit një muaj frymëmarrje, për të mos i vënë nën presion për të kapur afatet. Besoj se është lajm i mirëpritur nga të gjithë”, deklaroi Veliaj.
