Mbrwmjen e sotme në një prononcim të shkurtër për mediat pas mbledhjes së Asamblesë së PS-së, Kryeministri Edi Rama nuk i ka kursyer “kritikat” ndaj kundërshtarëve të tij politikë. Rama tha se maxhoranca ka përgjegjësinë për të zgjedhur sipas tij një president normal, pasi kjo është hera e parë që i ka të gjitha votat e nevojshme. Sipas tij, grupi i mandatuar nga PS por diskuton me opozitarët, të cilët nuk i konsideron më as si kundërshtarë politikë. Për Ramën kundërshtari më i madh i PS, është vetë PS-ja.
Shumë diskutime ka pasur për zgjedhjen e presidentit, a ka një angazhim PS për një president konsensual me PD?
Rama: Sot kemi mbaruar një mbledhje të Asamblesë kombëtare. Kongresi do të jetë në një kontekst të jashtëzakonshëm dhe ndryshe nga të gjithë të mëparshmit në një format të ri në funksion të një hapjeje të gjërë dhe një adresimi të atyre që janë çështjet më të rëndësishme të këtij momenti të vështirë. Do të kemi jo vetëm ata që do të flasin në emër të lidershipit të partisë, do të kemi dhe disponimin për të pasur të ftuar që të përfshihen në debatet tona në kërkim të gjallërimit të debetatit me frymë të shëndetshme kritike të përmirësismit të vetëvetes, problemi ynë më i madh është vetëvetaj pasi kundërshtarët janë bërë një problem që të paktën për momentin nuk ekziston. Kemi një grup të mandatuar që komunikon me anën tjetër, janë një anë me copa dhe me çika por këtë nuk e kemi zgjedhur ne. Kemi hapur një proces të brendshëm sepse është hera e parë që kemi votat për të zgjedhur presidentit që të jetë një njeri normal.
