Kukësi gjen sërish fitoren, mund Bylisin 2-1, barazim në ndeshjen e mbijetesës Skënderbeu-Apolonia

Google+ Pinterest LinkedIn Tumblr +

Kukësi vazhdon me fitore në Superligë. Në ndeshjen e javës së 16-të, skuadra verilindore mundi 2-1 Bylis. Por deri te sukdesi, të besuarit e Hallaçit duhet të përmbysnin epërsinë e miqve. Bylis suprizoi në minutën e 26-të, duke kaluar në avantazh me Stojanovic. Kuksianët kaluan frikën në minutën e 40-të, kur Ibrahimi barazoi shifrat në pjesën e parë. Pas pushimit, Eze në të 57-ën ktheu rezultatin, duke vulosur fitoren e Kukësit, që ngjitet në vendin e katërt me 23 pikë.

Nuk kishte fitues në sfidën direkte për mbijetesën, ku Skënderbeu dhe Apolonia u ndanë në barazim 1-1. Ndeshja u vendos nga dy 11-metërsha në pjesën e dytë të kthyer në gola nga Meksi dhe Gjata. Pika e marrë nuk i bën punë dy skuadrave, që vuajnë në zonën e ftohtë të renditjes.

Ndërkaq, bardheblutë luajnë kundër Laçit dhe për trajnerin e kampionëve në fuqi, fitorja është objektivi i vetëm.

“Laçi është një ekip shumë i fortë, ka vite në Superiore janë gjithmonë më shumë konkurrues dhe të hapin vështirësi. Sivjet janë përforcuar shumë, por kjo nuk od të thotë se ne nuk mund t’ia dalim. Luajmë çdo ndeshje për të marrë maksimumin. Punojmë me këtë qëllim dhe do luftojmë edhe nesër”, u shpreh sot paradite trajneri i Tiranës, Nevil Dede. /Gazetareforma.com/

Shpërndaje
Share.

Komento