Kujdes me shpejtësinë/ Tre aksidente brenda pak minutave në Lezhë, Laç dhe Elbasan

Google+ Pinterest LinkedIn Tumblr +

Tre aksidente kanë ndodhur brenda pak minutash ditën e sotme në Lezhë, Laç e Elbasan.

Shkak i këtyre aksidenteve, mësohet se ka qenë shpejtësia e lartë. 5 persona kanë mbetur të plagosur, ndërsa një 24-vjeçar ka ndërruar jetë.

Aksidenti i parë u shënua në afërsi të Milotit, ku nga përplasja e dy makinave mbeti i plagosur drejtuesi i njërit prej mjeteve të përfshira në aksident.

Aksidenti i dytë ka ndodhur në Mamurras ku një makinë ka humbur kontrollin dhe ka dalë nga rruga. Për pasojë janë plagosur drejtuesi dhe pasagjeri që udhëtonte në mjet.

Aksidenti në Elbasan, ndodhi pasi mjeti doli nga rruga si pasojë e shpejtësisë së lartë dhe u përmbys në një kanal.

Aksidenti ka ndodhur rreth orës 15.10 në aksin që lidh qendrën e qytetit të Elbasanit me lagjen “Nshu” të këtij qyteti, pranë Tregut Agroushqimor. Për pasojë janë plagosur 2 persona.

Ndërsa 24-vjeçari që ndërroi jetë ditën e sotme, u aksidetua nga një mjet në aksin rrugor Levan-Tepelenë.

Shpërndaje
Share.

Komento