Kryedemokrati Basha dhe kryetarja e LSI, Monika Kryemadhi kaë qenë të dy sëbashku në një takim në Kombinat tek banorët që iu janë dëmtuar shtëpitë nga tërmeti. Kryetarja e LSI deklaroi se ajo dhe Bash kanë dy vite që janë bashkë dhe nuk ndahen asnjë moment.
Ajo komentoi edhe deklaratën e Vuçiç që tha se pas Bashës qëndron Sali Berisha. Kryemadhi tha se deklarata e presidentit serb tregon hallin e madh të Ramës, që shikon armik te cilido që kërkon ndryshim. Më tej Kryemadhi tha se do I qëndrojë deri në fund rindërtimit sepse shqiptarët meritojnë që vendi të jetë në Europë.
“Jemi të dy bashkë, edhe pse kemi 2 vjet që nuk ndahemi në asnjë moment. Erdhëm këtu sepse këtu fillon shtëpia e shqiptarëve. Fronti opozitar mendon për shqiptarët. Ne jemi fronti shqiptar. Rama po rindërton vetëm xhepat e vet 3D. Jemi një me të gjithë Shqipërinë.
Deklarata e Vuçiç tregon hallin e madh të Ramës. Edi Rama shikon armik te çdokush që dëshiron ndryshimin. Ne do i qëndrojmë rindërtimit deri në fund. Shqiptarët meritojnë Shqipërinë në Europë, nuk votojnë një të mbaruar që i ka ikur koha. Jo pa qëllim, jemi sot këtu në këtë orë të vonë në Kombinat sepse këtu ku Edi Rama kërkoj të grabisi pronat tuaja, ku Edi Rama kërkon të grabisi shtëpitë tuaja. Jemi të dy bashkë edhe pse kemi 2 vjet që nuk ndahemi asnjë moment, erdhëm këtu sepse këtu fillon shtëpia e shqiptarëve, këtu fillon shtëpia juaj, sepse fronti opozitarë, që nuk është më front opozitarë po është fronti shqiptarë, mendon për shqiptarët, mendon për shtëpitë tuaja, mendon për familjet tuaja dhe ne jemi në shtëpitë tuaja, sepse ai po rindërton vetëm xhepat e vetë 3 dimensionalë dhe nuk po rindërton asnjë shtëpi të hallexhiut. Prandaj me 25 prill, sot ne jemi bashkë këtu edhe unë edhe zoti Basha, për tju thënë të gjithë shqiptarëve, që ne jemi një dhe jemi një me të Shqipërinë“, tha Kryemadhi.
