Një ngjarje e rëndë ka ndodhur në Divjakë pasditen e sotme, ku burri vrau gruan e më pas veten me armë gjahu.
Në një prononcim për mediat djali i vetëm i çiftit tregon përpara kamerave se ishte në kafe kur mori vesh për tragjedinë që i ka ndodhur në familje dhe thotë se tani ai ka ngelur në mes të katër rrugëve. Djali duke qarë me ngashërim thotë se e vetmja gjë që do tani është të ketë ndihmë nga zoti.
“Isha në kafe, më morën në telefon, më thanë kështu kështu…unë tani…kërkoj ndihmë nga Zoti, jam në mes të rrugëve,”- tregon ai dhe nis të qajë me ngashërim.
Kujtojmë se pasditen e sotme 58-vjeçari, Hekuran Rrasa vrau me çifte bashkëshorten e tij, Fëllënxë Rasa dhe më pas qëlloi për vdekje veten. Krimi i rëndë u regjistrua në fshatin Babunjë të Divjakës. 58-vjeçari mësohet se punonte në Bashkinë e Divjakës. Çifti kishin probleme ekonomike dhe dyshohet se kjo gjë është bërë shkak për krimin e rëndë. “Në fshatin Babunjë, Divjakë, dyshohet se shtetasi H. Rr., 58 vjeç, ka vrarë me armë gjahu në banesë bashkëshorten e tij, shtetasen F. Rr., 45 vjeçe dhe më pas ka vrarë veten.
Në vendngjarje është gjetur dhe sekuestruar në cilësinë e provës materiale arma e gjahut.
Grupi hetimor nën drejtimin e Prokurorisë së Rrethit Gjyqësor Lushnjë vijon punën për sqarimin e plotë të rrethanave të ngjarjes.”, thuhet në njoftimin zyrtar të Policisë.
