Korsitë e biçikletave në rrugën “Ibrahim Rugova”, taksistët në protestë: Absurde, po na bëhen shumë padrejtësi

Google+ Pinterest LinkedIn Tumblr +

Në rrugën “Ibrahim rugova” në Tiranë ka nisur instalimi i korsive të biçikletave.

Takistët janë ngritur në protestë mëngjesin e sotëm, pasi u është ndaluar të punojnë.

Në një prononcim për “News24”, një taksist shprehet se një gjë e tillë është absurde dhe nuk ka ndodhur prej 30 vitesh.

Më tej ai tha se kjo është një padrejtësi që po u bëhet, ndërsa shtoi se me këtë punë mbajnë familjen me bukë.

“Më mirë të na kishte kap pandemia dhe të mos ekzistonim fare si njerëz. Këtu po na bëhen shumë padrejtësi. Duhet të mbajmë familjet tona. Le të bëhet korsia e biçikletave, ama edhe në QKR thuhet që rruga “Ibrahim Rugova” është për taksexhi. Kam 30 vite punë si taksist. Korsitë e biçikletave bëhen në krah të djathtë. Më duket absurd kjo që po bëjnë, ne i kemi zbatuar të gjitha rregullat. Të kalosh biçikletën nga krahu i djathtë te krahu i majtë, mendoj se duhet ta mbash në krah. Ata duan me e bë Holandë, por ne jemi në Shqipëri”, tha një taksist.

Jo vetëm ky projekt, por edhe kufizimet e lëvizjes për shkak të pandemisë, kanë vështirësuar së tepërmi punën e taksive.

“Gazetareforma.com” ka kontaktuar me administratorin e një kompanie “shërbimi taksi”, i cili është shprehur se kufizimi i orarit deri në 17:30 është absurd, ndërsa rrëfen se policia nuk është treguar aspak tolerante, duke i ndaluar vazhdimisht shoferët edhe pse kanë autorizime për të lëvizur. (Lexo këtu)

Shpërndaje
Share.

Komento