Koreografi i njohur nga Elbasani ndahet nga jeta, dedikimet prekëse të miqve të tij

Koreografi i njohur nga Elbasani, Albert Vrapi është ndarë ditën e djeshme nga jeta.

Lajmin për ndarjen e tij nga jeta e kanë bërë të ditur të afërmit e tij, por edhe miq e dashamirës  të artistit të cilët i kanë bërë dedikime prekëse në rrjete sociale.

Sipas të afërmve, koreografi Vrapi, kishte disa kohë që luftonte me sëmundjen, por dje kjo e fundit  e ka mposhtur.

Ndërkohë të parët që kanë reaguar duke shprehur hidhërim nga kjo ndarje e parakohshme kanë qenë artistët dhe qarqet kulturore.

Ja çfarë shkruan Arkivi Historik i Elbasanit për koreografin Albër Vrapi:

I MADHI ALBERT VRAPI U NDA NGA KJO JETË NË 15 11 2020. Duhet ta kujtojmë të qeshur me nota muzike qe ai i krijonte në koreografi të bukura që ne i duartrokisnim dhe ngriheshim në këmbë në teatrin Skampa.

Berti është në zemrat tona. Qytetit të Elbasanit iu shua një yll. Ylli i modernizmit, ylli i të bukurës dhe ylli i koreografisë.

Të përcjell në shtëpinë tënde të fundit me këngët e Michael Jackson .Do i mungojnë shumë teatrit koreografitë e tua.

Infoelbasani i përcjell ngushëllimet e ndjera familjes Vrapi!/GazetaReforma.com/