Forcat e rendit kanë zhvilluar kontrolle intensive në hyrje dhe dalje të Vlorës gjatë mbrëmjes së kaluar, duke u fokusuar te mjetet me xhama të zinj, personat në kërkim dhe ata që dyshohet se qarkullojnë me armë pa leje.
Sipas burimeve zyrtare, disa individë janë shoqëruar në komisariat, ndërsa ndaj disa drejtuesve të mjeteve janë vendosur masa administrative për shkelje si drejtimi i automjetit nën efektin e alkoolit apo mungesa e dokumentacionit të nevojshëm.
Operacioni vijon me qëllim forcimin e sigurisë dhe parandalimin e veprimtarive të paligjshme në qytet.
