Organizata Botërore e Shëndetësisë (OBSH), ka reaguar ditën e sotme në lidhje me kërkesën kompanisë gjermane “Pfizer”, per miratimin e dozës së tretë të vaksinës kundër Covid-19. Reuters raporton se OBSH ka bërë një deklaratë ku ka njoftuar se nuk ka të dhëna të mjaftueshme të cilat tregojnë se nevojitet një dozë e tretë e kësj vaksine.
“Ne nuk e dimë nëse vaksinat përforcuese, do të jenë të nevojshme për të ruajtur mbrojtjen kundër COVID-19, derisa të mblidhen të dhëna shtesë, por pyetja është duke u shqyrtuar nga studiuesit.
Ka të dhëna të kufizuara në dispozicion për sa kohë zgjat mbrojtja nga dozat aktuale të vaksinave COVID-19 dhe nëse një dozë shtesë përforcuese do të ishte e dobishme dhe për kë”, tha OBSH.
Gjithashtu, OBSH thekson se të dhënat mbi kohëzgjatjen e mbrojtjes pas marrjes së të dyja dozave të vaksinës, por edhe nëse një dozë përforcuese do të ishte e dobishme dhe për cilat grup-mosha nuk janë të mjaftueshme.
Ky reagim i OBSH-së ka ardhur vetëm disa orë, pasi “Pfizer” tha se do i kërkone nga rregullatorët e SHBA-së miratimin e një doze të tretë të vaksinës, për shkak të rrezikut të riinfektimit gjashtë muaj pas vaksinimit, duke marrë parasysh përhapjen e variantit “Delta”.
