Përfaqësuesja e Partisë Socialiste në Komisionin Hetimor për shkarkimin e Presidentit Ilir Meta, Klotilda Bushka, rendit disa prej shkeljeve që sipas saj i ka bërë presidenti.
Bushka u shpreh se kreu i shteti ka shkelur kompetenca që i caktohen me ligj. Sipas saj thirrja për urrejtje dënohet me burg duke filluar nga 2 deri në 8 vite. Gjithashtu ajo ka shtuar se kreu i shtetit nuk duhet të ushtrojë asnjë kompetencë tjetër përveç asaj që i ka caktuar Kushtetuta. Ajo ka thënë se ata po verifikojnë se cilat janë ato veprime, akte që pretendohet se janë shkelje.
“Roli kryesor i presidentit është uniteti kombëtar. Parim i kushtetutës është qe te gjithë janë te barabarte para ligjit. Thirrja për urrejtje dënohet me burg 2-8 vjet. Në analizë të akteve që kemi marrë në shqyrtim, jemi duke analizuar nëse kemi të bëjmë me shkelje. Duhet të identifikojmë se cilat janë ato veprime, akte, që pretendohet se janë shkelje. Bëhet fjalë për deklarata. Kreu i shtetit nuk duhet të ushtrojë asnjë kompetencë tjetër, përveç asaj që i ka caktuar Kushtetuta. Na rezulton se sa i takon qëndrimeve të presidentit, të cilat nga diskutimet, mënyra e ushtrimit të detyrës nga presidenti, janë kompetenca që nuk shihet se ushtrohen vetëm me dekrete.
