Ditën e sotme ka nisur Komisioni Hetimor për shkarkimin e Presidentit të Republikës, Ilir Meta. Anëtarja e Komisionit Hetimor, Klotilda Bushka nënvizoi se tani kanë mjaft materiale për të vijuar me hartimin e një draft raporti. Ajo ka thënë se ka një dosje voluminoze me të dhëna. Bushka tha se presidenti nxiti dhunë dhe përplasjet gjatë zgjedhjeve.
“Ne jemi në disponim të plotë të të gjitha akteve dhe shkresave që përbën provë në këtë proces hetimor. Me marrjen e procesverbalit të mbledhjes së djeshme, konsiderohet se ne disponojmë të gjithë materialin, për të vijuar me hartimin e një draft raporti. Gjykojmë që të ketë një përmbledhje ekzekutive të raportit. Do të jetë voluminoz raporti, por do duhet edhe një panoramë e përmbledhur të atyre që do të ketë në raport. Renditja e fakteve duhet të jetë pjesë e raportit, është e rëndësishme të kemi një renditje të dispozitave kushtetuese dhe ligjore për t’i analizuar.Presidenti Meta prishi ekulibrin politik me deklarata e tij. Presidenti nxiti dhunën dhe përplasjet gjatë zgjedhjeve. Kërkesa e kolegëve deputetë referon në pretendime për shkelje të rënda kushtetuese. Po shqyrtojmë para rastit shkeljen e rëndë kushtuese. Komisioni do të duhet të këtë një qartësi mbi natyrën e këtyre shkeljeve.”- tha Klotilda Bushka.
