Kokaina me logon e klubit, presidenti i Elbasanit mohon të ketë lidhje: Na kanë keqpërdorur imazhin

Google+ Pinterest LinkedIn Tumblr +

Ditën e djeshme u sekuestrua në Brazil një sasi prej 617 kg, kokainë e pastër, e cila dyshohej se do të vinte në Shqipëri.

Kjo për shkak se mbi pakot e kokainës ishte e vendosur logo e klubit të Elbasanit.

Presidenti i ekipit, Arben Laze ka mohuar të ketë lidhje me drogën.

Në një intervistë për “Report Tv”, ai e ka cilësuar këtë ngjarje si prishje imazhi.

Më tej Laze shtoi se do të ngrejë padi për keqpërdorimin e stemës së klubit.

Presidenti përfundoi duke thënë, se i vjen mirë që emri i Elbasanit ka shkuar deri në Brazil.

“E ndoqa me vëmendje të gjithë ngjarjen dhe më ka ardhur shumë keq që stema e klubit të jetë aty ku nuk e meritonte, më vjen keq të keqpërdoret imazhi i klubit që unë e kam krijuar vetë dhe kam krijuar dhe e kam fantazuar që nga momenti që unë kam ardhur këtu. Klubi nuk ka lidhje me asnjë lloj lidhje, kushto mund ta keqpërdorë atë stemë, kanë keqpërdorur figurën e CR7, Messit. Do pyes avokatit për të ngritur padi për prishje të imazhit. S’e besoj që ka lidhje me problemet e mia. Më vjen mirë që klubi paska emër edhe në Brazil”, u shpreh Laze.

Operacioni i ditës së djeshme u zhvillua në Gefron të Brazilit.

SI rezultati i aksionit, përfunduan në pranga katër persona, ku në mesin e tyre ishte edhe nj grua.

Shpërndaje
Share.

Komento