Kishte probleme serioze në strukturë pas tërmetit, hidhet në tokë me tritol pallati 6 katësh në Durrës

Google+ Pinterest LinkedIn Tumblr +

Inspektoriati Kombëtar i Mbrojtjes së Territorit, ka nisur punën për shembjen e godinave të dëtuar pas tërmetit, të cilat kanë dëmtime serioze në strukturë.

Pak moment më parë forcat xheniere të Ministrisë së Brendshme, shembën me tritol një ndërtesë 6 katëshe në lagjen 13 në zonën e plazhit në Durrës.

Shpërthimi i komanduar u krye pas 4 orëve punë të forcave xheniere.

Gjithashtu pritet që të shembet edhe një godinë tjetër aty pranë, e cila rrezikon pallatet e tjerë.

Që prej shpalljes së emergjencës, në të gjithë Durrësin, grupet e inspektimit kanë nisur punën, për të përcaktuar shkallën e dëmtive në objekte.

Tërmeti i 26 nëntorit i mori jetën 51 personave, ndërsa qindra të tjera mbetën të plagosur.

Zonat më të prekura ishin Durrësi dhe Thumana, ku tashmë mijëra banorë janë pa shtëpi dhe po strehohen në hotele dhe çadrat e ushtrisë.

Shpërndaje
Share.

Komento