Teksa SPAK dërgoi në kuvend kërkesën për arrestimin e ish-zëvendëskryeministrit Arben Ahmetah, i mënjehershëm ka qenë reagimi nga Partia Demokratike.
Deputeti i opozitës Gazment Bardhi e cilëson si një veprim të drejtë, ndërkohë që thekson se është i vonuar e i paplotë. Gjithashtu, ai i sugjeron SPAK që të nisë hetimet edhe për kryeministrin Edi Rama, apsi vetëm në këtë mënyrë mund t’i shkojë deri në fund kësaj afere korruptive. Sipas tij së bashku ata kanë kryer disa nga veprat më monstruoze të korrupsionit qeveritar në 3 dekadat e fundit. Po ashtu, deputeti i PD-së i kërkon kryetares së Kuvendit të mbledhë ditën e sotme Këshillin e Mandatave.
“Kërkesa për të çuar Arben Ahmetaj para drejtësisë për aferën korruptive të incineratorëve është një veprim i drejtë, por i vonuar dhe i paplotë. SPAK duhet t’i shkojë deri në fund kësaj afere, duke bërë një hetim të plotë dhe të gjithëanshëm deri tek kreu i aferës korruptive, Edi Rama. Së bashku, ata kanë kryer disa nga veprat më monstruoze të korrupsionit qeveritar në 3 dekadat e fundit.
I kërkoj kryetares së Kuvendit të mbledhë pa vonesë sot Këshillin e Mandatave. SPAK-ut i duhet dhënë menjëherë akses për kontrollin personal dhe të banesës së ish zëvendëskryeministri”, shprehet Bardhi.
