“Kemi braktisur interesat kombëtare”, Bushati mban fjalimin me tone patriotike

Google+ Pinterest LinkedIn Tumblr +

Ai që ka mbajtur fjalën e tij në foltoren e Kuvendit ka qenë edhe Ditmir Bushati i cili ka dhënë disa mesazhe në lidhje me situatën politike aspak të mirë në të cilën ndodhemi.

Ish-ministri i Jashtëm tha se aktualiteti politik  ku ndodhet vendi është si pasojë e një eksperimenti 30-vjeçar për ndërtimin e një shteti ligjor.

Edhe bojkotimin e KQZ-së e ka quajtur si eksperimet të monitoruar nga ndërkombëtarët. Edhe vendimin e presidentit Meta e ka cilësuar po ashtu si një eksperiment që është në paligjshmëri me Kushtetutën e vendit, tamam si si një kokfortësi e tranzicionit shqiptar 30-vjeçar.

“Eksperiment është edhe bojkotimi i KQZ dhe Komisionit të Reformës Zgjedhore të monitoruar nga ndërkombëtarët. Eksperiment është edhe vendimi i presidentit në paligjshmëri me Kushtetutën e vendit, tamam një kokëfortësi e tranzicionit shqiptar 30- vjeçar. Ndoshta është taksirat për ne shqiptarët të përballojmë gjithë këto eksperimente në ndërtimin e shtetit ligjor dhe institucional”, tha Bushati.

Bushati shtoi më tej:

“Kam qenë deputet i PS-së në Tiranë kur 4 protestues u vranë, gjithashtu në 2011 na u vodhën zgjedhjet, por Edi Rama u tërhoq dhe ne i fituam zgjedhjet në 2013. Të gjithë e dimë që sistemet politike dhe institucionale përmirësohen përmes kulturës institucionale, mirëkuptimit dhe bashkëpunimit dhe jo përmes bojkotimit.

Ne filluam dhe diskutuam për zgjedhjet e datës 30 Qershor në vend që të diskutojmë për datën e fillimit të negociatave dhe bindjen e shteteve skeptike. Të uleshim e diskutonim me njëri-tjetrin se si mund ti bindim shtetet skeptike në lidhje me anëtarësimin e Shqipërisë.

Ne kemi e braktisur prespektivën kombëtare. Duhet të shkojmë drejt 30 Qershorit për t’ju dhënë mundësinë shqiptarëve që duan të zgjedhin për ta thënë fjalën e tyre.”

Shpërndaje
Share.

Komento