Kapet në Kosovë i akuzuari për rrëmbim, shpresë për gjetjen e Alestina Gjonit

Google+ Pinterest LinkedIn Tumblr +

U denoncua e zhdukur nga babai në emisionin “Pa Gjurmë”, i dashuri i saj gjendet në Kosovë. Sokol Lepuri, i akuzuar për rrëmbimin Alestina Gjonit në gusht të vitit 2019 është arrestuar nga policia e Kosovës. Ai akuzohet edhe për armëmbajtje pa leje. Lajmi për arrestimin është dhënë sot nga Policia e Kosovës.

Babai i Alestina Gjonit pati bërë bëri denoncimin në korrik të vitit të kaluar. Sokol Lepuri dhe Alestina Gjoni ishin një 1 vit të lidhur.

Policia e Kosovës nuk jep informacione për fatin e vajzës së humbur për shkak se uniformat blu atje thonë se është pjesë e sekretit hetimor.

Edhe familjarët e 21-vjeçares akoma kanë ndonjë informacion për të.

“Për ne është e zhdukur”, kanë thënë familjarët.

Vajza është larguar me Sokol Lepurin, të dy nga Burreli në vitin 2019, me të cilin kishte nisur një lidhje dashurie 1 vit më parë. Ajo i’u kishte shprehur dëshirën familjarëve se donte të udhëtonte drejt Sarandës me Sokolin, ku do të punonte në një lokal.

Babai i Alestinës, Gjoni ka kërkuar informacion edhe nga familjarët e Sokolit, të cilët kanë pohuar se edhe ata nuk kanë asnjë informacion as për vendndodhjen e djalit të tyre, Sokol Lepurin, prej gushtit të vitit të kaluar. Të shqetësuar familja e 21- vjeçares kanë bërë denoncim edhe në policinë e Klosit, për shkak se ka kaluar afro 1 vit dhe ende nuk kanë patur asnjë kontakt me vajzën e tyre.

Ishte një ditë e nxehtë gushti kur vajza u largua pa njoftuar asnjë. Sipas së motrës Rozina Cela, personi me të cilin Alestina u largua, Sokol Lepuri është një person problematik dhe dyshimet e saj janë se të motrën e kanë mashtruar dhe se e kanë futur në ndonjë rrugë të keqe. Jeta nuk i ka rezervuar gjëra të mira familjes Gjoni nga Burreli pasi para 5 muajsh njëra nga vajzat ndërroi jetë duke lënë 3 fëmijët jetim. Kryefamiljari, ka bërë një aksident me motor i cili e ka lënë me pasoja, nëna është e sëmurë, edhe vajza tjetër gjithashtu ka probleme me shikimin. Kushtet në të cilat ndodhet kjo familje janë shumë të vështira, por si të mos mjaftonin këto, vajza tjetër e familjes rezulton e zhdukur prej afro 1 viti dhe ende asgjë nuk dihet për fatin e saj. /Gazetareforma.com/

Shpërndaje
Share.

Komento