Jo vetëm Becchetti, Shqipëria rrezikon të humbasë 90 mln euro të tjera në arbitrazh

109 milionë euro është shifra që shqiptarët do t’i paguajnë biznesmenit italian Francesco Becchetti, për shkak të përplasjesve me qeverinë e Edi Ramës. Por fatura në buxhetin e shtetit mund të rëndohet edhe më tej, për shkak të gjyqeve që vijojnë të zhvillohen kundër qeverisë shqiptare.

Unpublished në Euronews raporton se 90 milionë euro mund të jetë fatura e radhës që do të dalë nga buxheti i Shqipërisë. Bëhet fjalë për projektin e “përmirësimit të sistemit të kanalizimeve të Tiranës së Madhe”, i cili do të zbatohej nga kompania “Dondi, Itali & Kubota, Japoni”, por kontrata është prishur në mënyrë të njëanshme.

Ka qenë Ministria e Infrastrukturës dhe Energjisë nëpërmjet Agjencisë Kombëtare të Ujësjellës Kanalizimeve që ka ndërprerë kontratën pa konsensus dhe tashmë fatura e kripur do të rëndojë në xhepat e qytetarëve.