Para dy ditësh qarkulloi lista e pagave të 600 mijë shqiptarëve për muajin janar 2020, ndërkohë që një ditë më pas doli edhe ajo e muajit prill 2020. Publikimi i këtyre të dhënave sensitive ka ngjallur debat dhe krahasime.
Nga lista e të dhënave e të dhënave mund të evidentomë numrin e lartë të personave në pozicionin e drejtorit, veçanërisht në sektorin shtetëror ku pagat janë në vlera shumë të larta.
Mjafton të shikosh pjesën e Baskisë së Tiranës për t’a konfirmuar këtë fakt.
Marjo Ballabani me anë të një statusi në “linkedin” shprehet me ironi se ne si popull kemi shumë dëshirë të jemi në pozicione drejtuese dhe sipas tij shteti tregohet “bujar” duke ua plotësuar kërkesat.
Krahas statusit ka të bashkëngjitur edhe një tabelë ku tregohen grafikisht të dhënat në përqindje të posteve që mbajnë shqiptarët, ku shikohet se ai i drejtori është dominues.
“Ne si popull vdesim pak per tu berë drejtor, dhe shteti(Pundhenesi) nuk na e prish qefin. Ja jemi Shteti me me shum Drejtor se Nepunes”
Lista, një dokument në formatin “excel” është duke qarkulluar në “Whats App” masivisht edhe përbën një shkelje flagrante të të dhënave personale të qytetarëve shqiptarë. Madje, një skandal i tillë duket të jetë edhe më i madh se databaza e patronazhistëve mbi preferencat politike të qytetarëve të Tiranës.
Kujtojmë që ndonëse gjithë të dhënat personale të shqiptarëve, janë të regjistruar tek AKSHI e Mirlinda Karçanajt, kjo e fundit deklaron se të dhënat në e-Albania janë të sigurta edhe pse ID, numri i telefonit, vendi ku punon, dhe rroga e shqiptarëve kanë dalë ‘sheshit’.
