Jahti i braktisur në Shëngjin “fut në sherr” Prokurorinë me ambasadën turke

Google+ Pinterest LinkedIn Tumblr +

Jahti i braktisur në mënyrë misterioze në Shëngjin është kthyer në një mollë sherri mes Prokurorisë dhe ambasadës turke.

Pronari i mjetit lundrues, Nedim Akyuz, nuk është lejuar që të tërheqë jahtin.

Mësohet se mjeti lundrues është rrethuar me shirit dhe po mbahet si provë materiale, shkruan CNA.

Në këtë çështje është përfshirë edhe ambasada turke, por kërkesa për të marrë jahtin është refuzuar sërish.

Nedim Akyuz ka deklaruar se nuk ka qenë në bordin e jahtit, por mjeti lundrues drejtohej nga shtetasi turk Sezgin Javuz, me të cilin ka humbur kontaktet që prej datës 6 shtator.

Herën e fundit që kanë folur, Javuz i ka komunikuar pronarit të jahtit se ndodhej në ujrat shqiptare dhe deti ishte shumë i trazuar.

Fillimisht u mendua se jahti i përkiste shtetasit Sevgin Javu, pasi policia gjeti disa dokumenta në mjetin lundrues, që mbanin emrin e tij.

Duke qenë se në mjetin lundrues nuk ndodhej askush, policia nuk mundi ta konfirmojë.

Më pas me ndihmën e homologëve në Ankara, u zbulua se jahti i përkiste shtetasit Nedim Akyuz.

Ndërkohë Yavuz është shpallur i zhdukur dhe deri më tani nuk ka asnjë të dhënë për të.

Shpërndaje
Share.

Komento