“Irani do hakmerret, ka celula gjithandej”, flet eksperti i sigurisë: “Shqiptarët s’do marrin vetëm benefite nga aleancat, ka edhe kosto”

Google+ Pinterest LinkedIn Tumblr +

Adrian Shtuni, ekspert i Çështjeve Ndërkombëtare dhe Sigurisë , ka qenë në një lidhje të drejtpërdrejtë emisionin “Real Story” , ku u shpreh se Irani do hakmerret për vrasjen e Soleiman.

Ai tha se do habitej nëse s’do kishte goditje hakmarrëse nga Irani dhe shtoi se kjo goditje do ishte asimetrike.

Sipas tij, shteti iranian funksionon nëpërmjet Proxy dhe milicive dhe ka celula që operojnë gjithandej.

Kjo e bën të vështirë aplikimin e nenit të 5 të NATO-s, pasi nuk mund të provohet se sulmi është bërë nga Irani.

Sipas këtij neni nëse një anëtar sulmohet është sulmuar aleanca.

Shtuni deklaroi se aleancat kanë kosto dhe se shqiptarët nuk mund të mendojnë vetëm që kanë për të marrë benefite nga këto aleanca.

Unë mendoj që aleancat kanë kosto. Nuk mundet shqiptarët të mendojnë vetëm se kanë për të marrë benefitet, ka edhe kosto. Bota nuk është lineare. Duhet të jemi më pragmatikë dhe të shikojmë se bota nuk funksion në mënyrë të tillë, se ka edhe gabime.
Sa i përket artikullit të 5 të NATO-s nëse një anëtar i NATO-s sulmohet është sulmuar e gjithë aleanca. Irani nuk ka kapacitet që të ndërmarrë ndonjë goditje konvencionale. Goditje konvencionale ndaj Amerikës edhe ajo që ishte ishte telegrafike. Ishte reklamë. Çfarë mund të ndodhë sa i përket rrezikut? Se hakmarrje ka për të pasur, është e pamundur.

Hassan Nasrallah dihet se kush është dhe organizata e tij Hezbollah terroriste që ka për të vazhduar. Soleimani nuk ishte vetëm lideri i KUDS por njeriu i dytë më me pushtet në Iran. Do isha i habitur nëse nuk do kishte goditje hakmarrëse por do jetë asimetrike.
Irani funksionon nëpërmjet Proxy dhe milicive dhe ka celula që operojnë gjithandej dhe ka për të qenë e vështirë të aplikohet artikulli 5 vetëm nëse ka të dhëna të sakta që sulmi është bërë nga Irani”, deklaroi eksperti Shtuni.

Vrasja e Soleiman nga SHBA ka shkaktuar debate të shumta.

Prej dy javësh njerëz të shumtë nga e gjithë bota aludojnë edhe për fillimin e Luftës së Tretë Botërore.

Irani u hakomor, pasi sulmoi bazat e SHBA në Irak, ku vdiqën mbi 86 persona.

Po ashtu, kërcënime ka patur edhe ndaj Shqipërisë.

Presidenti i Iranit e konsideroi vendin tonë vend djallëzor.

 

Shpërndaje
Share.

Komento