Simone Inzaghi është emëruar trajneri i ri i Interit në një marrëveshje dy-vjeçare, duke zëvendësuar Antonio Conte. Lajmin e kanë konfirmuar ditën e sotme kampionët e Serie A.
“FC Internazionale Milano dëshiron të mirëpresë Simone Inzaghi në klub, si traineri ynë i ri i ekipit të parë: trajneri italian ka nënshkruar një marrëveshje dy-vjeçare me Nerazzurrët,” thuhej në deklaratën e klubit.
Inzaghi dha dorëheqjen si trajner i Lazios pas 22 vitesh në klub si lojtar dhe trajner javën e kaluar dhe mori drejtimin nga Conte, i cili dha dorëheqjen pavarësisht se udhëhoqi Interin në një titull të parë në Serie A që nga viti 2010 këtë sezon.
Në dy sezone me zikaltërit,Conte i udhëhoqi si nënkampionë në Serie A dhe Europa League në vitin e tij debutues, para se të fitonte titullin e ligës këtë vit.
Ambiciet e 51-vjeçarit për të përmirësuar skuadrën e tij ishin në kundërshtim me situatën financiare të klubit, me Inter që thuhet se kërkonte të shkurtonte faturën e pagave me 15-20% dhe të bënte 70-100 milion euro nga shitjet e lojtarëve para sezonit të ardhshëm.
Inzaghi kishte qenë në Lazio që kur u bashkua si lojtar në 1999, duke fituar titullin e Serie A dhe tre Coppa Italias si sulmues para se të “varte këpuzcët në gozhdë” në 2010.
Ai filloi trajnerin në sektorin e të rinjve të klubit kryeqytetas përpara se të merrte punën e ekipit të parë në prill 2016, duke drejtuar Lazion në Coppa Italia dhe dy suksese të Super Kupës së Italisë, si dhe duke i çuar ata në 16 të fundit në fushatën e tyre të parë të Ligës së Kampionëve në këtë sezon.
