Një tjetër mjek është konfirmuar pozitiv me Covid-19 në repartin e Urgjencës në Spitalin e Traumës në Tiranë. Burime bëjnë me dije se rasti ka të bëjë me një mjek specializant.
Mësohet se mjeku ka qenë në kontakt të vazhdueshëm me pacientët gjatë kësaj periudhe ndërsa para tij, edhe një infermier i Traumës u konfirmua pozotiv.
Nuk është bërë i ditur emri i mjekut, ndërkohë që ditët e fundit janë shtuar rastet e personave që i përkasin stafit mjekësor dhe që konfirmohen pozitIv me koronavirus. Ndërkohë, nga tamponët e marra deri tani, pjesa tjetër e stafit ka rezultuar negativ, por kjo nuk e ka qetësuar personelin i cili kërkon testimin e gjithë stafit.
Disa ditë më parë humbën jetën nga Covid edhe dy mjek, mjeku i Urgjencës Arjan Pushi dhe mjeku nga Puka Hysni Shkjau.
Ndërkohë këtë të mërkurë dy persona kanë humbur jetën dhe janë konfirmuar pozitivë 68 raste pozitive, duke e çuar në 1, 232 numrin e përgjithshëm të personave aktivë me koronavirus në vend.
Shpërndarja gjeografike e rasteve është si vijon: 24 raste në Tiranë, 9 në Krujë, 8 në Kukës, nga 5 raste në Vlorë, Berat, nga 3 raste në Elbasan, Lezhë, Kavajë, nga 2 raste në Shkodër, Kurbin, Korçë dhe nga 1 rast në Divjakë dhe Lushnje.