2 mjekë në Fier kanë rezultuar pozitiv në testin e Covid-19, duke shtuar numrin e bluzave të bardha të infektuara. Po ashtu, edhe një grua ka dalë pozitive ndaj testit të koronavirusit.
Mësohet se pozitiv pasi ka bërë tamponin ka rezultuar të jetë mjeku anestezist i spitalit të Fierit, i cili edhe ka paraqitur simptoma. Ai ka qenë gjatë ditëve të fundit në qytetin e Vlorës, ku edhe mund të jetë prekur nga virusi. Në momentin e parë që ka konstatuar shenja të virusit nuk është paraqitur më në punë, ndërsa deri më tani nuk është pezulluar asnjë ndërhyrje në ketë spital, raporton BalkanWeb.
Ndërkohë një tjetër mjek, i cili punon në Levan, por banon në Fier ka rezultuar pozitiv me Covid-19, duke bërë që të merren kontaktet e afërta të tij. Pas tamponit pozitive ka rezultuar edhe një grua, duke e çuar në tre numrin e personave të prekur në Fier brenda një dite.
Mgjithatë, pritet përditësimi i të dhënave nga Ministria e Shëndetësisë për të parë shifrat e sakta.