SPAK do të marrë në pyetje nesër, në orën 10:00, kreun e Partisë së Lirisë, Ilir Meta, nën cilësinë e personit në hetim. Meta u arrestua më 21 tetor 2024.
Sipas akuzave, ai dhe deputetja Monika Kryemadhi dyshohen se, në bashkëpunim me funksionarë të tjerë shtetërorë, kanë favorizuar kompani private për përfitime të mëdha financiare që prej 15 vitesh.
Hetimet përfshijnë gjithashtu veprimtari lobuese në SHBA dhe transaksione të dyshimta për shitblerje pronash, ndërsa dyshohet se shumave të përfituara iu është shmangur deklarimi në institucionet përkatëse, si ILDKPI dhe KQZ.
