Edhe seanca e sotme plenare ka nisur me diskutime, ku fokusi ka qenë shembja e Teatrit Kombëtar.
Deputetja Rudina Hajdari ka replikuar ashpër me kryeministrin Edi Rama. Hajdari është shprehur se Rama i përçau artistët dhe se ka qenë i obsesionuar për prishjen e Teatrit.
E ndërsa nga ana tjetër vetë kryeministri është shprehur se deputetja Hajdari i dëgjon gjërat gabim nga shqipja në shqip.
Hajdari e akuzoi Ramën se ai ka qenë i fiksuaar edhe pas Teatrit të Kukullave, por gjykata Kushtetuese nuk e ka lejuar kalimin e tij në pronësi të bashkisë Tiranë.
“Këtij vendi i duhet një teatër të ri, Ju i përçatë artistët. Kur i ka thënë ata këto gjëta, apo i kanë thënë sot.
Sot çështja a duhet t’i ruajmë këto vlera? Ju e bëtë në 4 të mëngjesit në mënyrë barbare këtë shembje.
Uroj të jesh një ditë në bankën e të akuzuarit.
Ju zoti kryeministër keni qenë në vitin 2000 kryetar bashkie, jeni munduar ta merrni atë truall, por keni thënë që këto momuente duhen të ruhen.
Por gjatë këtyre viteve nuk keni bërë asnjë restaurim. Në 17 vite nuk është vënë asnjë dorë, a mos është e qëllimshme?
Problemi juaj vazhdon sepse më pas i keni kaluar bashkisë së Tiranës truallin e teatrit.
Kjo ndërtesë është ndërtesë e Teatrit Eksperimental. Si e keni shkatërruar atë teatër me këtë truall. Mos e keni shembur në mënyrë të kundra ligjshme?
Në vitin 2000 ju jeni dashur të merrni teatrin e Kukullave në pronësi të bashkisë Tiranë, Gjykata Kushtetuese e ka kundëshruar këtë këtë kërkesë.
Pasi kjo është shkelje e Kushtetutës”, u shpreh Hajdari.
Ndërsa Rama nga ana tjetër i tha Hajdarit se gjërat i dëgjon dhe i lexon tjetër për tjetër nga shqipja në shqip
“Është e kotë që të rikthehem për të rivënë në vend gjërat që the, që i dëgjon gabim nga shqipja në shqip.
Do ju lexoj një koment nga Facebook, të një demokrati që nuk i kursen ato që ka për mua, por në ato ditët pas ‘tragjedisë’ së shemjes së godinës:
“Na tha futni në çadër se do bien urgjent, por çfarë fituat, na thanë na e futi Amerika, ska më llafe, ska më zgjedhje, o burra revoltë popullore.
Kur ikën të gjitha dolën edhe nga parlament, o burra tek unaza e re se do vijë populli. Populli s’erdhi, erdhën fadromat, na ngeli libri i çunit të Fariut”, e mbylli Rama kështu fjalën e tij.
