I martuar dhe me fëmijë: Shefi i policisë në Malësi të Madhe në pranga pas ngacmimit seksual të 15-vjeçares

Google+ Pinterest LinkedIn Tumblr +

Pas publikimit në media të ngacmimit seksualisht të një të miture 15-vjeçare, policia e Shkodrës ka arrestuar punonjësin e forcave blu në zonën Grumiere të Malësisë se Madhe, Berhan Bajrakurti.

“Në Shkodër është arrestuar menjëherë punonjësi i policisë që është shfaqur në videon e publikuar në media. Për pak info të plotë”- thuhet në një reagim të shkurtër nga policia.

Denoncimi për punonjësin e policisë është bërë nga nëna e 15-vjeçares, e cila ka thënë se shefi i policisë e ka marrë në makinë vajzën dhe ka kryer akte të turpshme.

Gjithashtu ai e ka telefonuar vajzën dhe ka kryer biseda erotike përmes telefonit. Në media u publikua një video, ku polici shfaqej i zhveshur duke komunikuar me videokamer me 15-vjeçaren.

Ndërkohë mësohet se Bajrakurti është i martuar dhe ka një djalë të mitur.

Shpërndaje
Share.

Komento