I ka shpëtuar tre atentateve, arrestohet një nga të akuzuarit për vrasjen e Santiago Malkos

Google+ Pinterest LinkedIn Tumblr +

Policia ka arritur që të arrestojë, Elvis Gaçajn, njërin prej të dyshuarve si të përfshirë në vrasjen e Santiago Malkos.

Gaçajt iu vunë prangat në lagjen Nr.3 të qytetit të Durrësit, shkruan “Faxweb”.

Ai ndodhej në praninë e 34-vjeçarit K.D.

Pasi pikasi policinë, drejtuesi i mjetit ku ndodhej Gaçaj ka shtuar shpejtësinë, ndërsa ky i fundit ka hedhur nga dritarja një pistoletë me fishekë.

Gaçaj cilësohet si një person me rrezikshmëri të lartë shoqërore.

Ai është arrestuar në 8 prill për tentativë vrasje, së bashku me Leonard Dukën, por u liruan nga gjykata.

Njëkohësisht 44-vjeçari është skeduar më herët për trafik droge.

Gaçaj ka mundur t’u shpëtojë 3 atentateve, ndërsa dyshohet se është i përfshirë në një vrasje në vitin 1992 dhe një plagosje në 2008-ën.

Në 2015-ën, ai ka qenë objektiv i atentatit te “Lulishtja 1 maji” në Tiranë, ku mbetën të vrarë gabimisht dy persona të tjerë, ndërsa vetë mbeti i plagosur.

Ndaj tij rëndon edhe akuza e mbjelljes së lëndëve narkotike, më konkretisht për parcelat me hashash në zonën e Shëngjinit.

Në atentatin tek “Lulishtja 1 maji”, mbetët të vrarë Kevin Rugova dhe Aurora Oskia.

Për këtë vepër penale, Sael Sulaj është dënuar me 35 vite burg, ndërsa bashkëpunëtori i tij, Vasiel Çavo, do të vuajë 20 vite heqje lirie.

Njoftimi i policisë 

Finalizohet një tjetër operacion për goditjen e personave që qarkullojnë me armë zjarri pa leje.

Gjatë operacionti policor të koduar “Taulantia”, Policia kap dhe arreston dy persona me rrezikshmëri të lartë shoqërore, me precedentë penalë të mëparshëm në fushën e veprave penale kundër personit dhe armëmbajtjes pa leje.

Njëri prej tyre, i cili kishte dhe armë zjarri me vete ishte me masë sigurie “Arrest në shtëpi”, për armëmbajtje pa leje.

Sekuestrohet një armë zjarri pistoletë dhe municion luftarak.

Specialistët për Hetimin e Krimeve të Rënda në Drejtorinë Vendore të Policisë Durrës dhe Komisariati i Policisë Durrës, në vijim të planit për kapjen e personave në kërkim dhe atyre që qarkullojnë me armë zjarri me vete, si dhe në bazë të informacioneve të siguruara nga Strukturat Policore se dy shtetas lëviznin me një automjet me armë zjarri me vete kanë organizuar dhe finalizuar operacionin policor të koduar “Taulantia”.

Shërbimet e Policisë në rrugën “Taulantia” kanë bërë të mundur identifikimin e mjetit që lëviznin presonat e dyshuar, automjet i cili kryente manovra të dyshimta në rrugë.

Duke marrë parasysh informacionin e marrë se në këtë mjet mund të kishte persona me rrezikshmëri të lartë shoqërore, Policia ka ngritur një perimetër të gjërë rrethimi për kapjen e tyre.

Drejtuesi i automjetit sapo ka parë Policinë është larguar me shpejtësi së bashku me pasagjerin dhe gjatë largimit pasagjeri, i cili ishte dhe me masë sigurie “Arrest në shtëpi” ka hedhur në rrugë një armë zjarri pistolete me fishekë.

Pololicia ka bërë të mundur bllokimin, neutralizimin dhe kapjen në flagrancë të shtetasve E. G., 44 vjeç, banues në Tiranë dhe K. D., 34 vjeç, banues në Durrës.

Shtetasi E.G., pasagjer në mjet është person me rrezikshmëri të lartë shoqërore, i dënuar më parë për veprat penale kundër personit dhe për armëmbajtje pa leje.

Gjithashtu ka qenë në masë sigurie ” Arrest në shtëpi” për veprën penale “Armëmbajtja pa leje”.

Ndaj tij janë referuar materialet në Prokurori për veprat penale “Armëmbajtja pa leje” dhe “Mosbindja ndaj urdhërit të punonjësit të policisë së rendit publik”.

Shtetasi K. D. është person me precedentë penalë të mëparshëm në fushën e veprave penale kundër personit dhe armëmbajtje pa leje. Ndaj tij janë referuar materialet në Prokurori për veprat penale “Moskallëzimi i krimit “dhe “Mosbindja ndaj urdhërit të punonjësit të policisë së rendit publik”.

Në cilësinë e provave materiale janë sekuestruar një armë zjarri pistoletë CZ çeke, dy krehëra me 26 fishekë kalibër 9 mm dhe automjeti tip BMW.

Materialet i kaluan Prokurorisë së Rrethit Gjyqësor Durrës për veprime të mëtejshme.

Shpërndaje
Share.

Komento