Zbardhen detaje të reja nga “Babalja”, “Familjen e Veliut e kanë pritur njerëzit e Bashës në Belgjikë”

Google+ Pinterest LinkedIn Tumblr +

Detaje të reja janë zbuluar nga dosja “Babale” e cila trazoi ujrat e politikës shqiptare për muaj të tërë.

Siç shkruan “Gazeta Tema”, familjarë të kreu të PD-së, Lulzim Bashës, kanë strehuar në Blegjikë familjen e Albert Veliut, i njohur ndryshe si “Babalja”, pas arratisjes nga Shqipëria.

Ka qenë Fredi Alizoti, i cili ka rrëfyer këto detaje nga salla e gjyqit.

Ai pretendon se ish-deputeti demokrat, Ervin Salianji, i kla thënë se në Bruksel familjen e Veliut e kanë pritur njerëzit e Bashës, në një shtëpi pivate.

Ndërkohë avokati i Agron Xhafës, vëllai i ish-ministrit të Brendshëm, Fatmir Xhafajt, deklaroi se ekspertiza ka vërtetuar, se zëri në audiopërgjimin fillestar, nuk i përket klientit të tij.

Një ditë përpara se të dorëzohej në Itali, Agron Xhafaj la mostrat e zërit, për të cilat avokati i tij pretendon se u është bërë ekspertiza.

Gjithashtu ai kërkoi llogari, se përse nuk i merren mostrat e zërit Fredi Alizotit, për të çuar më tej hetimet.

Nga ana tjetër, avokati i Jetmir Olldashit, gazetarit që mori në intervistë, Albert Veliun, solli si provë në seancë 5 dënime të Alizotit, për të treguar se nuk duhet besuar.

Shpërndaje
Share.

Komento