Kandidati për kreun e PD-së, Agron Shehaj ka reaguar sërish pasi u shpall rezultati i zgjedhjeve brenda PD-së, ku fitues u shpall Lulzim Basha.
Me anë të një postimi në rrjetet sociale, Shehaj ka falenderuar demokratët që e mbështetën dhe ndër të tjera ka shkruar se ndihet mirënjohës ndaj vëzhguesve dhe ekipit që punoi me të.
“Ju falenderoj me gjithë zemër të gjithë ju demokratëve që më votuat. Ju jam mirënjohës juve dhe gjithë qytetarëve që më besuan dhe më mbështetën për të sjellë një frymë dhe qasje të re në politikë. Ndihem pafund mirënjohës ndaj vëzhguesve dhe ekipit që punoi me mua këto tre javë.!”, shkruan Shehaj.
Kujtojmë se në këto zgjedhje u rikonfirmua në krye të PD-së, Lulzim Basha, ndërsa vendin e dytë me vota e zuri Agron Shehaj. Zgjdhjet mbahen brenda një kohe të shpejtë, ku kandidatët kanë zhvilluar fushatë gjatë tre javëve të fundit. Kadilli, Harxhi dhe Shehaj kanë deklaruar vazhdimisht se kjo ka qenë një garë e pabarabartë.
Ndërkohë që pak minuta më parë në një deklaratë për mediat Kryetari i Komisionit Zgjedhor në PD, Jemin Gjana ka shpallur si fitues të zgjedhjeve Lulzim Bashën. Votat e secilit kandidatë janë si më poshtë.
Për zotin Fatbardh Kadilli 781 anëtarë
Për Edit harxhin 983
Për zotin Agron Shehaj 6038 anëtarë
Për zotin Lulzim Basha 32882 anëtarë
Bazuar në këto të dhëna Komisioni zgjedhor i PD shpall zyrtarisht fitues të garës për kryetar të PD zotin Lulzim Basha.
