Dy ditë më parë një ngjarje e rëndë u shënua në Tiranë ku vjedhja e 2 kasafortave nga 27-vjeçari Kristian Fusha, i cili u arresta nga policia është kthyer në tragjedi pasi e fejuara e tij Samanta Prelë Vitaj 17 vjeç mësohet se ka vrarë veten.
U bë me dije se 17-vjeçarja ka helmuar veten me fotoksinë, pasi nuk e përballoi dot ngjarjen ku i fejuari vodhi motrën e saj. Gjithashtu mësohet se familja e Samanta Vitajt nga Malësi e madhe nuk ishte dakord me lidhjen e saj me 27-vjeçarin.
Ndërkohë 27-vjeçari ka deklaruar se vlera monetare i duhej për të operuar këmbën dhe u la në burg nga gjykata.
Nga ana tjetër të afërmit dhe familjarët e tij kanë hedhur poshtë versionin se 17-vjeçarja i ka dhënë fund jetës pasi djali i tyre akuzohet se i vodhi kasafortën kunatës.
Në një rrëfim ekskluziv për JOQ Albania lidhur me historinë e dashurisë mes të rinjve ata kanë dhënë prova mbi versionin e tyre të ngjarjes duke thënë se Kristiani ka marrë përsipër një faj që nuk e ka kryer pasi ato para do i përdorte për të nisur një jetë të re me të fejuarën e tij.
Gjithashtu ata kanë bërë publike bisedat e fundit të së ndjerës dhe disa mesazhe zanore ku 17-vjeçarja rrëfen se e dhunonin.
AUDIO 1
AUDIO 2
